3 Давхар Шоколадтай Мүсс Торт

Орц:
Доод давхарт:
- 6 хоолны халбага (85гр) давсгүй масло
- 200гр шоколад (чихэрлэг биш шоколад байвал зүгээр)
- ¾ цайны халбага espresso нунтаг
- 1 ½ цайны халбага шингэн ванилин (хуурайгаар орлуулж болно)
- 4 том өндөг
- Чимх давс
- 1/3 аяга (70гр) бор сахар
Дунд давхарт:
- 2 хоолны халбага чихэргүй кокоа
- 5 хоолны халбага халуун ус
- 200гр шоколад (чихэрлэг биш шоколад байвал зүгээр)
- 1 ½ хүйтэн шингэн цөцгий (35%ийн тослогтой- Монголд Anchor гээд байгаа)
- 1 хоолны халбага сахар
- Чимх давс
Дээд давхарт:
- ¾ цайний халбага хуурай желатин
- 1 хоолны халбага ус
- 170гр цагаан шоколад
- 1 ½ аяга хүйтэн шингэн цөцгий (35%ийн тослогтой- Монголд Anchor гээд байгаа)

Доод Давхар
1. Салдаг тортны хэвээ маслоор сайн тослоно. Духовка 160 градуст халаана.
2. Дунд зэргийн саванд халуун ус хийж зөөлөн гал дээр зөөлөн гал дээр тавьна. Өөр тусдаа, халуунд тэсвэртэй саванд шоколад, масло, эспрэссө хийж зөөлөн гал дээрх халуун устай савандээрээ тавьж хайлуулна. Үе үе хутгаж өгөөрэй. Таглаж болохгүй, доод ус ерөөсөө буцлаж болохгүй шүү. Шоколадаа сайхан жигд хайлаад ирэхээр гаргаад хөргөнө.
3. Өндөгнүүдээ шар, цагаанаар салгана.
4. Өндөгний шараа, ванилинтайгаа хамт шоколад дээрэ хийж сайн хольно.
5. Өндөгний цагаанаа хөөсөртөл хутгана. Давс, болох бор сахарны талыг хийж үргэлжлүүлэн миксэрдэнэ. Тэгээд үлдсэн бор сахараа хийж цав цагаан урсахгүй болтол нь миксэрдэнэ.
6. 1/3 өндөгний цагаан хайлуулсан шоколадтай бэлдмэлдээ хийж сайн хольно. Үлдсэн өндөгний цагаанаа нэмээд ямар ч цагаан байхгүй болтол нь сайн хутгана. Зуурмагаа тортны хэвэндээ хийж жигд тараагаад 15-20мин жигнэнэ. Торт чинь хөөгөөд, захууд нь жоохон хорчийгоод дунд тал нь цэлцгэнсэн биш бол болсон гэсэн үг. Гаргаад дор хаяж 1 цаг хөргөнө. Тортны хэвнээс гаргахгүй.

Дунд Давхар
1. Кокоагаа усанд уусгаж тавьна.
2. Шоколадаа өмнө нь хайлуулсан шигээ хайлуулаад хөргөнө.
3. Шингэн цөцгий, сахар, давсаа хольж өтгөртөл нь миксэрдэнэ.
4. Кокоатай усаа хайлсан шоколадтай хольно.
5. Хөвсийсөн цөцгийний 1/3ийг шоколадтайгаа сайн хольно. Үлдсэн цөцгийгөө нэмээд сайн хутгана.
6. Маш сайн хөрсөн торт дээрээ жигд тарааж тавьна. Торттой хэвээ ширээндээрээ 3 удаа сайн цохиж хийг нь гаргана. Хэвний ханыг нойтон салфеткаар арчаад дор хаяж 15мин хөргөгчинд хийнэ.

Дээд Давхар
1. Жижиг аяганд усаа хийгээд дээр нь желатинаа нэмж тавьна.
2. ½ аяга шингэн цөцгийгөө дунд зэрэгийн гал дээр халаана. Буцалгаж болохгүй. Гал дээрээс аваад желатинаа нэмж хутгана. Тэгээд цагаан шоколад дээрээ асгаад шоколадаа хайлтал нь сайн хутгана.
3. Үлдсэн 1 аяга шингэн цөцгийгөө өтгөртөл нь миксэрдэнэ. 1/3ийг авч хайлуулсан шоколадтайгаа хольж хутгана. Үлдсэн цөцгийгөө нэмээд үргэлжлүүлэн сайн хутгана.
4. Бэлэн болсон мүссээ торт дээр жигд тарааж тавьна. Дор хаяж 2.5 цаг хөргөгчинд хөргөөд иднэ.

Тортоо хүссэнээрээ чимэглэж болно.
Үрсэн шоколад цацаж болно. Эсвэл над шиг chocolate ganache-р хээ гаргаж болно.
Амжил хүсье!

Та бүхэн миний хувийн блогоор бас зочилоорой!
http://sweettreatsbyshinee.blogspot.com/2013/04/triple-chocolate-mousse-cake.html