сарнайн баглаа хийж хайртай хүмүүсдээ гэнэтийн бэлэг барьцгаая бүсгүйчүүд ээ

Сарнай цэцгэн баглаа

Сарнай цэцгэн баглаа хийх зааврийг орууллаа.
Орц:
өндөг-6н ширхэг
масло- 200г
гурил-220г
элсэн чихэр-200г
ургамлийн тос-60г
сүү-60г
ванилин сахар-1уут ( 8г) Vanilin Zucker
Хөөлгөгч-1үүт ( 15г ) Back Pulver (Baking powder)

Цэцгэн баглаа хийхэд таньд хэрэгтэй зүйлс:
1. Хөөсөнцөр- бөөрөнхийлж бэлдсэн байх хэрэгтэй, хэрвээ хөөсөнцөр байхгүй бол атар талх, цэцгийн хөрс зэргийг орлуулж болно
2. Цэцгийн суурь, хөөсөнцөрийнхөө тойргийн хэмжээнээс хамаарч саваа сонгоно. Хөөсөнцөрийн 1/3 нь савлуугаа орж байж тогтвортой байна
3. Цэцэгнийхээ өнгөнд тохирсон тууз
4. Тортний хошуу, крэмний уут, аягатай тортны хэв, доор н дэвсэх цаас
5. Шүдний чигчлүүр

Баглаагаа хийх гээд бүх зүйлээ бэлдсэн байгаа байдал

6н ширхэг өндөгөө элсэн чихэртэйгээ хамт сайтар хутгана. миксэрний хурдаа хурдан дээр н тохируулна

нилээн хөөсөртөл нь миксэрдээд тасалгааны хэмд байлгасан масло бага багаар нэмэнэ.

Шигшиж бэлдсэн гурилан дээрээ хөөлгөгч, ванилин сахар 2 оо нэмэж холино, гурилаа бага багаар өндөгөн дээрээ нэмээд бага хурдаар миксэрдэнэ.

Ургамлийн тос болон сүүгээ хийнэ.

Зуухаа 170-170градуст халаагаад хэвэндээ цааснуудаа дэвсэж бэлдэнэ.

Бэлэн болсон зуурмагаа хоолний халбагаар таслан авч хэвэндээ хийнэ, нэг халбага хийхэд хангалттай хөөнө.

Халааж бэлдсэн зуухандаа кэксээ хийж 170-180градуст 20-25мин жигнэнэ.

Бэлэн болсон кэксээ бага зэрэг хөргөөд чиглүүрээр хөөсөнцөр дээрээ нэг нэгээр нь тогтооно.

нэг хөөсөнцөр дээр 35-39ширхэг аягатай кэкс орно

Кэксэн дээрээ сарнайн дүрс гаргана. Крэм нь Таты гээд сүүн крэм. Крэмээ 10-15 минут тасралтгүй их хурдаар миксэрдээд өтгөрүүлнэ. Бэлэн болсон крэмэндээ өнгө оруулаад хүссэн өнгөөрөө чимэглэж болно.

Бэлэн болсон баглаа маань нэг иймэрхүү харагдаж байна.

Энэ аргаар ямар л бол ямар баглаа цэцгийг хүссэн өнгө загвараараа хийж болно. Дараах зургуудийг загвар болгон орууллаа. Та бүхэнд амжилт хүсье!